Job 25

Bildadi Anasema: Mwanadamu Awezaje Kuwa Mwadilifu Mbele Za Mungu?

1 ^aNdipo Bildadi Mshuhi akajibu:
2 ^b“Mamlaka na kuheshimiwa ni vyake Mungu;
yeye huthibitisha amani katika mbingu juu.

3 ^cJe, majeshi yake yaweza kuhesabika?
Ni nani asiyeangaziwa na nuru yake?

4 ^dMtu awezaje kuwa mwadilifu mbele za Mungu?
Awezaje mtu aliyezaliwa na mwanamke kuwa safi?

5 ^eIkiwa hata mwezi sio mwangavu
nazo nyota si safi machoni pake,

6 ^fsembuse mtu ambaye ni funza:
mwanadamu ambaye ni buu tu!”